17 кастрычніка Музей беларускай маляванкі запрашае на асаблівую падзею — акцыю, прысвечаную дню народзінаў выбітнага беларускага мастака, этнографа і фалькларыста Язэпа Драздовіча (1888).
Гэта не проста лекцыя, а глыбокае пагружэнне ў свет чалавека, які стварыў цэлы пласт беларускай культуры — маляваныя дываны — і стаяў ля вытокаў беларускай касмагоніі.
Асобная старонка — постаць Юрася Малаша (1957–2011), які літаральна па крупінках збіраў спадчыну Драздовіча і ў 2001 годзе распрацаваў першую канцэпцыю Музея інсітнага мастацтва.
Што вас чакае:
🔸 Аляксандр Рак — пра тое, як Юрась Малаш даследаваў спадчыну Драздовіча
🔸 Зміцер Юркевіч — успаміны пра супольныя з Юрасём Малашам і Алесем Родзіным мастацкія праекты
🔸 Часовая экспазіцыя мастацкай і кніжнай спадчыны Юрася Малаша
📍 вул. Дачная, 13, г. Заслаўе
🕑 17 кастрычніка 2026, 14:00–16:00
🎟 Уваход па квітках у музей (10 р., ільготны — 5 р.)
Прыходзьце, каб пачуць, убачыць і адчуць пульс беларускай спадчыны!
Больш інфармацыі пра падзею па спасылцы тут.
BEL 
RU 
EN