Купалле — старадаўняя абрадавая ўрачыстасць, прымеркаваная да летняга сонцастаяння. Свята ў гонар сонца ў Заслаўі адбудзецца ў ноч з 6 на 7 ліпеня.

А 21.00 на Рынкавай плошчы адбудзецца ўрачыстае адкрыццё свята, канцэртная праграма і тэатралізацыя. Супрацоўнікі музея-запаведніка “Заслаўе” запрашаюць усіх жадаючых на майстар-клас па пляценню вянкоў з красак і кветак.

Цэнтральнае месца ў гэтую ноч займае купальскае вогнішча, яно ўвасабляе сонца і мае сілу даваць ураджай. Да абрадавай дзеі запальвання вогнішча можна далучыцца на пляцоўцы каля Дзіцячага парку культуры і адпачынку. Тут вас чакаюць гульні, карагоды і спевы.