Барабанцаў Віктар Кірылавіч

В.К. Барабанцаў нарадзіўся 28 жніўня 1947 г. у Гомелі.

У 1968 г. скончыў Мінскае мастацкае вучылішча.

У 1978 г. – Беларускі тэатральна-мастацкі інстытут (цяпер Беларуская дзяржаўная акадэмія мастацтваў).

        В.К. Барабанцаў вучыўся ў Г. Вашчанкі, У. Стэльмашонка. Працуе ў галіне станковага і манументальнага жывапісу.

З 1983 г. з’яўляецца сябрам Беларускага саюза мастакоў.

У 1991 г. В.К. Барабанцаў стаў лаўрэатам прэміі прафсаюзаў Беларусі.

2001 г. – лаўрэат  прэміі “За духоўнае адраджэнне”.

2010 г. – узнагароджаны медалём Ф. Скарыны.

2012 г. – узнагароджаны нагрудным знакам Міністэрства культуры Рэспублікі Беларусь “За ўклад у развіццё культуры Беларусі”.

Сярод беларускіх мастакоў В.К. Барабанцаў вылучаецца як майстар манументальнага жывапісу. Ён паспяхова працягвае традыцыі беларускай рэалістычнай маляўнічай школы. У працах Віктара Кірылавіча адчуваецца цікавасць да гісторыі свайго народа, да яго спадчыны.

Віктар Барабанцаў – рэаліст. Амаль усе яго пейзажы, партрэты і нацюрморты напісаныя з натуры. Гэтым ён адрозніваецца ад многіх сваіх калегаў. Яго можна ўбачыць з эцюднікам у парку, на беразе возера, у полі. Мастак шмат падарожнічае, у яго майстэрні ёсць эцюды, напісаныя ў Беларусі, Італіі, Іспаніі, Францыі…

Але большасць прац усё ж прысвечаны беларускай зямлі, дзе Віктара Кірылавіча натхняе літаральна ўсё: прырода, архітэктура, людзі. Вынікам творчых падарожжаў становяцца выставы, і адну з іх рады прадставіць вам гісторыка-культурны музей-запаведнік “Заслаўе”:

КУТОЧКІ МАЁЙ РАДЗІМЫ